2008/09/27

كل عام والجميع بخير

سامحوني يا جماعة الخير على القطاعة لكن صج وقتي مو لي





الدوام ما خذ اكثر من نص يومي فالوقت الباقي يالله يوزع على النوم والتهيئة النفسية عشان اقدر اعود للدوام باجر وما استقيل




الله يرحم ايام الجامعة الي كانت نفسيتي فيها مفتوحة للتحلطم




ماني عارف شالمشكلة بس انا أجزم بأن رمضان هالسنة غير آنا حاس هالإحساس من اول يوم وكل يوم قاعد أتأكد أكثر منه





شنو هالإحساس مادري





ليش يايني






همينا مادري




وايد سوالف صارت مؤخرا على الصعيد المحلي وحاشتنا زحمة احداث لكني جد جد صرت ما أتأثر ولا أتعب نفسي حتى بالتحلطم في داخلي







لأني بالمختصر المفيد إكتشفت بأن قطارنا المحلي اللخبوطي بلغة صاحبنا الظريف في أندر الأوقات مايك مبلتع ماشي




وإذا فكرت مجرد التفكير بالتحلطم راح أحس بأني قاعد أركض وراة وأنبح دون أن أطولة




وإتضح لي كمان بأن ديرتنا طلابينها وايد من اهلها لذا ترى المصايب والبلاوي اللخبوطية على رأي صاحبنا إياه بتتحدف علينا من كل صوب وحدب في آن واحد







نتيجة لما سبق قررت أن لا أتحلطم أبدا لا سرًا يعني بداخلي ولا علانية يعني هني





بملق فقط كلما سمحت لي ظروفي بذلك









عيدكم مبارك مقدما

وعسى الله يعوده علينا وياكم وإحنا من السالمين